Татарстан Республикасы Конституциясе көне 6 ноябрьдә билгеләп үтелә.

2025 елның 6 ноябре, пәнҗешәмбе

Бу көн 1992 елның 6 ноябрендә Республика Югары Советының XII сессиясендә расланган Татарстан Конституциясе кабул ителүгә туры килә. Татарстан Конституциясе-республиканың Төп кануны. Анда конституцион корылыш нигезләре, кешенең хокуклары, иреге һәм бурычлары, административ-территориаль корылыш, дәүләт хакимиятен оештыру, җирле үзидарә һәм дәүләт символлары язылган. Бәйрәм Татарстанда яшәүче халыкларның тарихына, гореф-гадәтләренә һәм кыйммәтләренә хөрмәтне гәүдәләндерә. Ул республикада законлылык, гражданнарның хокуклары һәм ирекләре гарантиясе булып хезмәт итә.