1 май - Яз һәм Хезмәт бәйрәме
1 майда Россия Федерациясендә хезмәт ияләренең халыкара теләктәшлеге көне дип аталган Яз һәм Хезмәт бәйрәмен билгеләп үтәләр.
1886 елның 1 маенда Америка эшчеләре Чикагода 8 сәгатьлек эш көне таләбен куеп забастовка оештыралар. 1889 елның июлендә Парижның II Интернационал конгрессы эшчеләрнең чыгышы турындагы истәлеккә ел саен демонстрацияләр уздыру турында карар кабул итте. Бүген бәйрәм 142 илдә һәм дөнья территорияләрендә 1 майда яисә майның беренче дүшәмбесендә билгеләп үтелә.
Россия империясендә Беренче майда, хезмәт ияләренең халыкара теләктәшлеге көне буларак, беренче тапкыр 1890 елда Варшавада 10 мең эшче стачкасы үткәрү белән билгеләп үттеләр. 1897 елдан бирле маёвкалар сәяси характер йөртә башлый һәм массакүләм демонстрацияләр белән озатыла.
1917 елгы Октябрь революциясеннән соң бәйрәм рәсми рәвештә уздырыла. РСФСРда башта ул "Интернационал көне" дип аталган, соңрак ул "Хезмәт ияләренең халыкара теләктәшлеге көне - Беренче Май" дип атала һәм 1 - 2 майда билгеләп үтелә башлый.
1992 елда бәйрәм «Яз һәм хезмәт бәйрәме» дип үзгәртелде.