Татарстанда күп балалы гаиләләр бушлай юридик ярдәм алу хокукына ия булачак

2025 елның 14 апреле, дүшәмбе

Россия Федерациясе Президенты тарафыннан федераль закон имзаланды, ул дәүләт түләүсез юридик ярдәм системасы кысаларында юридик ярдәм алу хокукына ия гражданнар категорияләре исемлеген киңәйтә.

Агымдагы елның 1 апреленнән Татарстан Республикасы Дәүләт юридик бюросы, адвокатлар һәм дәүләт системасының башка катнашучылары күп балалы ата-аналарга түләүсез юридик хезмәтләр күрсәтә башлаячак.

Канунда өч һәм аннан күбрәк баласы булган (18 яшькә кадәр булса яисә 23 яшькә кадәр мәгариф оешмасында көндезге формада укый торган) күпбалалы ата-аналар мондый ярдәм алу хокукыннан файдалана алачак дип каралган.

Соңгы рәсми мәгълүматларга караганда, Татарстанда 2025 елда 57,9 мең күп балалы гаилә теркәлгән.