Татарстанда янгынга каршы махсус режим кертелә

2025 елның 7 апреле, дүшәмбе

14 апрельдән 2025 елның 11 маена кадәр Татарстанда янгынга каршы махсус режим кертелә. Тиешле карарга Татарстан Республикасы премьер-министры Алексей Песошин имза салды.

Кайбер чикләүләр:

• Учаклар ягу, көнкүреш калдыкларын, коры үләнне һәм чүп-чарны яндыру тыела. 
• Торак пунктлар, бакчачылык ширкәтләре яисә балалар лагерьлары территорияләрендә урманнарда янгын чыгу куркынычы янаган мангала, эссе һәм башка утта әзерли торган савытларда ашарга пешеру тоела. Бу чикләү ресторан, кафе, барларга һәм башка җәмәгать туклануы объектларына кагылмый. 
• 1-3 класслы пиротехник эшләнмәләрне урман һәм башка табигый янгыннарга янаган урыннарда куллану тыела. 
• Төзәтмәле эшләнмәләрне ачык ут һәм һава җылыту исәбенә күтәрелә торган, янучан материаллар белән эшләргә ярамый.

Янгынга каршы махсус режим чорында янгын куркынычсызлыгы таләпләрен үтәмәгән өчен административ җаваплылык чарасы 2 тапкырга арттырылган:

гражданнарга - 10 меңнән 20 мең сумга кадәр; 

вазыйфаи затларга - 30 меңнән 60 мең сумга кадәр;

эшкуарлык эшчәнлеген юридик зат төземичә гамәлгә ашыручы затларга - 60 меңнән алып 80 мең сумга кадәр; 

юридик затларга - 400 меңнән 800 мең сумга кадәр. 

Барлык кертелгән чикләүләрнең үтәлешен тикшереп тору Россия Гадәттән тыш хәлләр министрлыгының Татарстан Республикасы буенча Баш идарәсенә йөкләнә.