"Татарстан Республикасы Җир һәм мөлкәт мөнәсәбәтләре министрлыгының 2025 елдагы эш йомгаклары һәм 2026 елга бурычлар турында" киң вәкиллекле утырыш
6 февральдә IT-паркта Татарстан Республикасы Рәисе Рөстәм Миңнеханов рәислегендә Татарстан Республикасы Җир һәм мөлкәт мөнәсәбәтләре министрлыгы коллегиясенең киңәйтелгән утырышы узды. Утырышта ведомствоның 2025 елдагы эшенә йомгак ясалды һәм 2026 елга төп бурычлар турында фикер алышынды.
Төп доклад белән ТР Җир һәм милек мөнәсәбәтләре министры Фәнил Әһлиуллин чыгыш ясады, ул Министрлык эшчәнлегенә һәм узган елда ирешелгән нәтиҗәләргә комплекслы анализ ясады. Катнашучылар алдында шулай ук Апас муниципаль районы башлыгы Айрат Җиһаншин һәм «Татарстан Республикасы пространство мәгълүматлары фонды» ДБУ җитәкчесе Дмитрий Лунегов чыгыш ясады.
Чарага шулай ук «Матди тәэмин итү идарәсе» ДБУ хезмәткәрләре һәм учреждение директоры Равиз Хәбибуллин да чакырылган иде.
Татарстан Республикасы Рәисе Рөстәм Миңнеханов үз чыгышында төбәкнең социаль-икътисадый үсеше өчен җир һәм мөлкәт ресурслары белән нәтиҗәле идарә итүнең әһәмиятен билгеләп үтте һәм Министрлык алдына алдагы чорга стратегик бурычлар куйды.
Утырыш эшендә Россия Федерациясе Дәүләт Думасы депутатлары, Татарстан Республикасы Дәүләт Советы депутатлары, Татарстан Республикасы Хөкүмәте әгъзалары, Татарстан Республикасы Рәисе администрациясенең, Татарстан Республикасы Министрлар Кабинетының җаваплы хезмәткәрләре, муниципаль районнар башлыклары, Татарстан Республикасы мөлкәт һәм җир мөнәсәбәтләре палаталары җитәкчеләре, шулай ук тармак ветераннары катнашты.
Чараның тантаналы тәмамлануы Җир һәм мөлкәт мөнәсәбәтләре өлкәсендә алдынгы хезмәткәрләргә Татарстан Республикасы дәүләт бүләкләрен тапшыру булды.